पणजी: अ‍ॅड. आयरिस रॉड्रिग्ज (Aires Rodrigues) यांनी आमदाराकडून जीवाला धोका असल्याची तक्रार दिली आहे. शुक्रवारी डीजीपी इंद्रदेव शुक्ला यांची भेट घेत संरक्षण देण्याची मागणी केली आहे.

तक्रारीमध्ये कथित आमदाराच्या (MLA) हालचालींवर लक्ष ठेवण्याची आणि संरक्षण पुरवण्याची मागणी रॉड्रिग्ज यांनी केली आहे. त्यांच्या तक्रारीत अ‍ॅड. रॉड्रिग्स यांनी सांगितले की, 2008 च्या पणजी (Panaji) पोलिस स्टेशन (Police Station) हल्ल्याप्रकरणी 22 डिसेंबर रोजी हायकोर्टाच्या (High Court) आदेशानंतर आमदार आपल्यावर आणखी एक हल्ला करण्याचा विचारात असल्याची भीती आहे. 13 ऑक्टोबर 2008 रोजी त्यांच्यावर झालेल्या हल्ल्याची आठवण करून देत अ‍ॅड. रॉड्रिग्स यांनी आपल्या तक्रारीत असेही म्हटले आहे की, त्याच आमदाराने शहरातील एका रेस्टॉरंटमध्ये आपल्यावर झालेल्या भीषण हल्ल्याचा कट रचला होता.