घरगुती गॅस सिलिंडरचा व्यावसायिक वापर आणि कमी वजनाच्या सिलिंडरविरोधात आज दक्षिण गोव्यात विविध ठिकाणी प्रशासनाने कारवाई केली. वास्को येथे नागरी पुरवठा विभागाने 10 हॉटेल्सवर छापा टाकत घरगुती वापराचे 7 सिलिंडर जप्त केले. तर वजन व माप खात्याने लोटली व काणकोण येथे सहा कमी वजनाचे सिलिंडर जप्त केले.

घरगुती ग्राहकांना बुकिंग करूनही सिलिंडर मिळत नसल्याच्या अनेक तक्रारी मुरगाव नागरी पुरवठा विभागाला प्राप्त झाल्या होत्या. यावर विभागाने चौकशी केली. त्यात अनेक हॉटेल व्यावसायिक सिलिंडर पुरवठा करणाऱ्या वाहनांवरील कामगारांना हाताशी धरून घरगुती सिलिंडर हॉटेलमध्ये वापरत असल्याचे आढळून आले.

त्या अनुषंगाने आज नागरी पुरवठा अधिकाऱ्यांनी वास्को शहरात 10 हॉटेल्सवर कारवाई केली. तेथून 7 घरगुती सिलिंडर अधिकाऱ्यांनी ताब्यात घेतले.

ग्राहकांनी केल्या होत्या तक्रारी

वजन व माप खात्याच्या कारवाईत काणकोणमध्ये ४ कमी वजनाचे सिलिंडर आढळले. तर लोटलीत दोन कमी वजनाचे सिलिंडर आढळून एजन्सीच्या आवारात उघड्यावर टाकलेले सिलिंडर सापडले. केपे व सांगे येथेही अशाच प्रकारची कारवाई झाली. दोषी एजन्सींविरोधात गॅस कंपन्यांविरोधात कारवाईची शिफारस करण्यात आली आहे.