दुरुस्ती कामामुळे अटल सेतू वाहतुकीसाठी बंद आहे. तसेच पणजीतील खोदकामामुळे पर्वरी ते पणजी आणि मेरशी ते पणजी मार्गावर सातत्याने वाहतूक कोंडी होत आहे. याचा विषय आज मंत्रिमंडळासमोर चर्चेला आला. सोमवारपासून अधिवेशन सुरू होत असल्याने या कोंडीमुळे उशीर होऊ नये, याचा धसका मंत्र्यांनी घेतला आहे. त्याकरिता अधिवेशनासाठी एक तास आधीच निघण्यावर चर्चा झाली.
‘पर्वरीसह पणजीमध्ये मेगाब्लॉक होत आहे व त्याचा परिणाम म्हणून वाहनांच्या लांब रांगा पर्वरी ते पणजीपर्यंत लागत आहेत. त्यामुळे सोमवारपासून सुरू होणाऱ्या अधिवेशनाला वेळेवर पोहोचण्यासाठी मंत्री, आमदार व अधिकाऱ्यांनी एक तास अगोदरच बाहेर पडण्याबाबत बैठकीत चर्चा झाली.
या कोंडीवर उपाय काढण्यासाठी लवकरच काही उपाययोजना काढण्यासंदर्भात पावले उचलण्याचे ठरले मंत्रिमंडळ बैठकीत ठरले’, अशी माहिती वीजमंत्री सुदिन ढवळीकर यांनी दिली.
राज्यात भूमिगत वीजवाहिन्यांचा 28 कोटी रुपयांच्या फोंडा येथील उपकेंद्रामधून कुंडई उपकेंद्रापर्यंतच्या प्रकल्पाचा प्रारंभ 26 रोजी पायाभरणीने सुरू केला जाईल. या प्रकल्पाचे काम पूर्ण झाल्यानंतर तेथूनच एक केबल माशेल - बाणास्तरीपर्यंत नेण्यात येईल. आवश्‍यकता भासल्यास ती पुढे नेली जाईल. त्यामुळे त्याचा फायदा औद्योगिक क्षेत्रात वारंवार वीज खंडित होण्याचे प्रकार कमी होऊन उद्योगांना होईल, असे ढवळीकर यांनी सांगितले
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.