कुंडई: उत्तर गोव्यातून एक धक्कादायक घटना समोर आली आहे. कुत्र्याच्या दोन लहान पिल्लांना विष घालून मारल्याचा क्रूर प्रकार उघडकीस आला आहे. कुंडईत ही घटना उघडकीस आली असून, याप्रकरणी प्राण्यांविरोधी क्रूरता प्रतिबंधक जिल्हा सोसायटीकडे तक्रार दाखल करण्यात आली आहे.
सुदीन कामत यांच्यावतीने याप्रकरणी तक्रार दाखल करण्यात आली आहे. फेसबुकवर याबाबत त्यांनी एक पोस्ट शेअर केली आहे. कुंडईत चार पैकी दोन लहान कुत्र्यांना विष देऊन जीवे मारण्यात आले आहे. अन्नाच्या शोधात आलेल्या दोन कुत्र्यांना विष देऊन मारण्यात आले. एका इमारतीतील लोकांनी हे काम केल्याचा आरोप सुदीन यांनी या पोस्टमधून केला आहे.
चार महिन्यांची ही लहान पिल्ले इमारतीच्या परिसरात अन्नाच्या शोधात येत होते. यांच्यापासून कोणालाच धोका नव्हता पण, इमारतीतील काहींना याचा त्रास होत असल्याने त्यांनी काही दिवसांपूर्वी लहान पिल्लांचे पाय तोडण्याची देखील धमकी दिल्याचा आरोप कामत यांनी केलेल्या तक्रारीद्वारे करण्यात आला आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.