Mapusa News: कळंगुट- म्हापसा मार्गावर रात्री एक अपघाताची घटना घडली. या अपघातात एक युवकाचा मृत्यु झाला आहे तर लहान मुलीसह चार जण गंभीर जखमी झाले. हा अपघात रात्री 11.30 च्या सुमारास घडला.

याबाबत अधिक माहिती अशी की, कळंगुट- म्हापसा मार्गावर बोडगिणी येथे रात्री 11.30 च्या सुमारास दोन दुचाकींमध्ये भीषण अपघात झाला. या अपघातात सदाम खान (रा. काणका) या तरुणाचा मृत्यू झाला तर लहान मुलीसह चार जण गंभीर जखमी झाले.

दरम्यान, त्यांना उपचारांसाठी तत्काळ गोवा मेडिकल कॉलेजच्या इस्पितळात दाखल करण्यात आले. दोन्ही दुचाकीधारक एकमेकांशी संबंधित होते. एका लग्नाच्या स्वागत समारंभाच्या गडबडीतून हा अपघात झाला, असे प्रत्यक्षदर्शीनी सांगितले.