Accident in Sakhali: राज्यात अपघातांच्या घटना नित्याच्याच झाल्या आहेत. काल रात्री उशिरा साखळीमध्ये एक अपघात घडला असून यामध्ये कर्नाटकातील तरुण जखमी झाले आहेत. रात्रीच्या वेळी जीपची धडक घराच्या कंपाऊंडला बसून हा अपघात घडला आहे.

माहितीनुसार, डिचोली-साखळी येथील विठ्ठलापूर परिसरात हा अपघात झाला असून साखळीच्या दिशेने जाणाऱ्या जीपची धडक येथील एका घराच्या कंपाऊंडला बसली. विठ्ठलापूर येथील धोकादायक उताराजवळ गाडीचे नियंत्रण सुटून हा प्रकार घडला असल्याचे सांगण्यात येत आहे.

या धडकेत तिथे असलेल्या दोन मोटरसायकलचे मोठ्या प्रमाणात नुकसान झाले आहे. जीपमध्ये 8 जण उपस्थित होते. ते किरकोळ जखमी झाल्याचे सांगण्यात येत आहे.

इथे पहा व्हिडिओ:

दरम्यान, काल संध्याकाळी अनमोड रस्त्यावर दोन वाहनांचा वेगवेगळा अपघात झाल्याचे समोर आले होते. यातील एका अपघातात ट्रक चालकाचे नियंत्रण सुटल्याने ट्रक रस्त्याच्या कडेला कलंडला होता.