Bambolim: बांबोळी येथील गोमेकॉ इस्पितळाबाहेरील गाडेधारकांना हटविल्यानंतर त्यांच्या पुनर्वसनाचे काम आता युद्धपातळीवर सुरू आहे. त्‍यामुळे या गाडेधारकांना आशेचा किरण दिसू लागला आहे. मात्र त्‍यांनी आपले आंदोलन मागे घेतलेले नाही. दरदिवशी तेथे सकाळच्या सत्रात धरणे धरण्यात येत आहे. या गाडेधारकांचे पुनर्वसन येत्या 19 डिसेंबरपर्यंत करण्याचे आश्‍वासन देण्यात आले आहे.

सध्या सुरू असलेले काम जलदगतीने व्‍हावे यासाठी सरकारवर दबाव रहावा म्‍हणून धरणे आंदोलन सुरूच आहे. गोमेकॉ इस्पितळाची संरक्षक भिंत पाडून त्या ठिकाणी नवी संरक्षक भिंत उभारण्याचे काम सुरू असल्याने गाडेधारक समाधानी आहेत. मात्र जोपर्यंत पुनर्वसन होत नाही तोपर्यंत हे धरणे आंदोलन सुरूच ठेवण्याचा निर्धार त्यांनी केला आहे, असे मत या गाडेधारकांनी व्यक्त केले.