साळ, पीर्ण येथील श्री शांतादुर्गा पांडुरंग भजनी सप्ताह आणि सांस्कृतिक समिती तसेच कला व संस्कृती संचालनालयाच्या संयुक्त विद्यमाने आषाढी एकादशीचे औचित्य साधून श्री शांतादुर्गा देवीच्या मंदिरात अभंग गायन स्पर्धेचे आयोजन केले होते.

कनिष्ठ गटात अवनी चोडणकर हिने तर ज्येष्ठ गटात दीपा सावंत हिने विजेतेपद पटकावले.बक्षीस वितरण समारंभास प्रमुख पाहुणे म्हणून पीर्णचे सरपंच संदीप शेट तानावडे, पंच अनिल नाईक , नारायण हळदणकर, विश्वनाथ खलप, प्रशांत नाईक , आनंद नाईक, प्रकाश नाईक , नितेश सावंत , श्रद्धा जोशी , वासुदेव परब आदी मान्यवर उपस्थित होते मान्यवरांच्या हस्ते बक्षिसे प्रदान करण्यात आली.

या स्पर्धेला आनंद नाईक (हार्मोनियम ) व प्रशांत नाईक (तबला ) यांनी संगीत साथ केली. वासुदेव परब, श्रद्धा जोशी व नितेश सावंत यांनी परीक्षक म्हणून काम पाहिले . स्पर्धेचे उद्‍घाटन परीक्षक नितेश सावंत यांच्या हस्ते मान्यवरांच्या उपस्थितीत करण्यात आले.

यावेळी पंचसदस्य अनिल नाईक, सांस्कृतिक समितीचे अध्यक्ष प्रकाश नाईक, विश्वनाथ खलप, परीक्षक वासुदेव परब, श्रद्धा जोशी ,नितेश सावंत, हार्मोनियम वादक आनंद नाईक , तबलावादक प्रशांत नाईक आदी मान्यवर उपस्थित होते. सिद्धेश शेट तानावडे यांनी आभार मानले.

दोन गटांत स्पर्धा

स्पर्धा पीर्ण गाव मर्यादित होती तसेच कनिष्ठ गट (वय १० ते १७ वर्षे व ज्येष्ठ गट (वय १८ ते ४० वर्षे) अशा दोन गटात झाली. कनिष्ठ गटात - अवनी चोडणकर (प्रथम), विशाल शेट तानावडे (द्वितीय), जस्मिता परवार (तृतीय), तर साईश शेटये, वैष्णवी जाधव व अंश गडेकर यांना उत्तेजनार्थ, वरिष्ठ गटात - दीपा सावंत (प्रथम), दीपक नाईक (द्वितीय), वृषाली खलप (तृतीय), तर अरुणा ह. नाईक, माधुरी नाईक व रोहित परब यांना उत्तेजनार्थ बक्षीस प्राप्त झाली.