कुठ्ठाळी सत्रांत येथे एका मालवाहू रिक्षाने ओव्हरटेक करण्याच्या नादात दोन दुचाकींना ठोकरल्याने दुचाकीचालकासहित तीघेजण गंभीर जखमी झाले. रिक्षाचालकाला वेर्णा पोलिसांकडून अटक करण्यात आली असून पुढील तपास सुरू आहे. या अपघातामुळे (accident) सुमारे एक तास चक्का जाम झाला होता.

मिळालेल्या माहितीनुसार, आज दुपारी अडीच वाजता कुठ्ठाळीहून मडगावच्या दिशेने जाणार्‍या एका मालवाहू रिक्षाने ( क्र. जीए12 टी-0432 ) येथील सत्रांत येथे ओव्हरटेक करण्याच्या नादात पुढून येणाऱ्या दोन दुचाकींना ठोकर देऊन ही रिक्षा पलटी झाली. यात दुचाकीवरील तिघेजण गंभीर रित्या जखमी झाले आहेत. तर रिक्षा चालकाला किरकोळ जखम झाली आहे. जखमींना तत्काळ जवळच्या रुग्णालयात हलवण्यात आले. दरम्यान, अपघातस्थळी दुपारी सुमारे एक तास वाहतूक ठप्प झाली. पोलिसांनी (police) घटनास्थळी येऊन पंचनामा केला. वेर्णा पोलीस पुढील चौकशी करत आहेत.