Accident in Goa: तिस्क उसगांव बायपास जंक्शन येथे चालकाचा ट्रकवरील ताबा सुटल्याने अपघाताची घटना घडल्याचे समोर येत आहे. हा अपघात शुक्रवारी पहाटे 4 वाजता घडला. अपघातात चालक जखमी झाला असून वाहनाचे मोठ्या प्रमाणात नुकसान झाले.

याबाबत अधिक माहिती अशी की, हुबळी ते गोवा अशी भाजीची वाहतूक करणारा ट्रक तिस्क उसगांव बायपास जंक्शन येथे आला. यावेळी समोरुन येणाऱ्या वाहनाला वाचवण्याचा प्रयत्नात चालकाचा ट्रकवरील ताबा सुटला.

समोरुन येणाऱ्या वाहनाला वाचवण्याचा प्रयत्नात ट्रक रस्त्याच्या कडेला पलटी झाला. यावेळी चालकाने प्रसंगावधान दाखवत ट्रकमधून उडी मारल्याने जखमी होत बचावला. अपघाताची माहिती चालकाने पोलिस स्थानकात दिली असून पोलिस पुढील तपास करीत आहे.