बियरवर ताव मारत बुलेटवरुन फेरफटका मारणाऱ्या आसामच्या दुचाकी चालकाचा परवाना निलंबित करण्यात आला असून, दहा हजार रुपयांचा दंड ठोठावण्यात आला आहे.
दुचाकी चालक किरण बोरा दारुच्या नशेत 27 फेब्रुवारी रोजी हणजूण पोलिसांना बुलेत चालवताना सापडला होता. म्हापसा न्यायालयाने बोराला दोषी ठरवून परवान निलंबित करण्यासह दंह ठोठावला आहे.
मिळालेल्या माहितीनुसार, किरण बोरा (आसाम) 27 फेब्रुवारी रोजी जीए 03 एके 5866 ही दुचाकी चालवत होता. दुचाकीवरच तो मद्य देखील पित असल्याचे आढळून आले होते. हणजूण पोलिसांनी त्याच्याविरोधात गुन्हा नोंद केला.
म्हापसा न्यायालयासमोर हजर केले असते त्याने गुन्हा कबूल केला आहे.
न्यायालयाने किरण बोराला दहा हजार रुपयांचा दंड आणि दंड न भरल्यास एक महिना साधा कारावासाची शिक्षा सुनावली आहे. तसेच, 1988 च्या कलम 20 नुसार वाहन चालक परवाना नियमावलीनुसार त्याचा परवाना तीन महिन्यांसाठी निलंबित करण्यात आला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.