Goa Crime: विवाहाचे आमिष दाखवून बलात्कार व फसवणूक केल्याचा आरोप असलेल्या ओडिशास्थित व गोव्यात डिलिव्हरीच्या कामाला असलेल्या अभिषेक महानायक याला जलदगती न्यायालयाने जामीन फेटाळला. त्याने केलेला गुन्हा गंभीर स्वरुपाचा आहे.

त्याने अनेकदा तिच्यावर लैंगिक अत्याचार करून तिला गर्भपात करण्यास लावले. तो ओडिसाचा असल्याने तो पसार होण्याचा तसेच साक्षीदारांना धमकावण्याची शक्यता नाकारता येत नाही, असे निरीक्षण न्यायालयाने आदेशात नोंदवले आहे.

संशयित अभिषेक महानायक याच्याविरुद्ध दाखल केलेल्या आरोपपत्रात गुन्ह्याचे पुरावे आहेत. त्याने तिला विवाहाचे आमिष दाखवून तिच्यावर लैंगिक अत्याचार केला आहे. तिला गर्भपातही करण्यास लावल्याचे पुरावे आहेत. त्याने पीडितेच्या गैरफायदा उठवून अत्याचार केला आहे. त्याच्याविरुद्ध आरोपपत्र सादर करण्यात आले असले तरी अजून साक्षीदारांची साक्ष होणे बाकी आहे.