मुरगाव तालुक्यात अल्पवयीन मुलीवर लैंगिक अत्याचार झाला असल्याचा धक्कादायक प्रकार घडला आहे. पोलिसांनी संशयिताला अटक केली आहे. त्यामूळे मुख्यमंत्री प्रमोद सावंत यांनी गुन्हेगारी घटनांमध्ये इतर राज्यातील नागरीकांचा सहभाग सर्वाधिक असल्याचे म्हटले होते. याचा प्रत्यय पुन्हा आला आहे.

(A complaint of sexual assault on a minor girl has been filed in Mormugao taluka)

मिळालेल्या माहितीनुसार आज मुरगाव तालुक्यात 17 वर्षीय अल्पवयीन मुलीवर लैंगिक अत्याचार झाला असल्याचे प्रकरण समोर आले आहे. या प्रकरणात संशयित आरोपी अनेम डुंगडुंग (21) याला अटक करण्यात आली आहे. संशयित हा मुळचा झारखंड येथील आहे. तो मुरगाव तालुक्यात व्यवसायानिमित्त आला असल्याची प्राथमिक माहिती समोर आली आहे.

पोलिसांनी दिलेल्या माहितीनुसार संशयिताला ताब्यात घेण्यात आले आहे. तसेच पीडितेकडून नोंदवलेल्या तक्रारीनुसार पोलिसांनी तपास सुरु केला आहे. तक्रारीच्या पार्श्वभूमीवर सर्व शक्यता पडताळून पाहिल्या जात असल्याचे पोलिसांनी स्पष्ट केले आहे.