Ponda Crime News: गोव्यात गेल्या काही दिवसांत विनयभंग, लैंगिक शोषणाची विविध प्रकरणे समोर येत असतानाच आता फोंडा तालुक्यातूनही एका लहान मुलीच्या विनयभंगाचा प्रकार समोर आला आहे. 13 वर्षीय नातीचा तिच्या आजोबांनीच विनयभंग केल्याची तक्रार संबंधित मुलीच्या आईने दाखल केली आहे.

फोंडा पोलिसात याबाबत गुन्हा दाखल करण्यात आला आहे. पोलिस या प्रकरणात चौकशी करत आहे. मिळालेल्या माहितीनुसार संबंधित मुलीची आई स्वतंत्र राहते. पण तिचा मुलगा आणि मुलगी त्यांच्या सासऱ्यांकडे म्हणजेच मुलांच्या आजोबांकडे वास्तव्यास होते. या काळात आजोबांनीच मुलीचा विनयभंग केल्याचा आरोप मुलीच्या आईने केला आहे.