Gruhkalyaan Yojana Goa

पणजी: सध्या राज्यात लाडली लक्ष्मी आणि गृहआधार योजनांचे तब्बल १७,४६५ अर्ज गेल्या तीन वर्षांपासून प्रलंबित आहेत आणि यामुळे अनेक गरजवंताची फरपट होतेय. एकूण १४,००९ लाडली लक्ष्मीचे अर्ज आणि ३,४५६ गृहआधाराचे अर्ज मंजूर होण्याच्या प्रतीक्षेत आहेत.

समाज कल्याणमंत्री सुभाष फळदेसाई यांनी पावसाळी अधिवेशनात एका योजनेची घोषणा केली होती. या घोषणेनुसार राज्यातील विधवा महिलांना गृहआधारचे १५०० व विधवा कल्याण समाज योजनेअंतर्गत २५०० असे एकूण ४००० रुपये दिले जातील, मात्र याची अद्याप कार्यवाही झालेली नाही.

गेल्या आर्थिक वर्षात गृहआधारेच सर्वाधिक ३९२ अर्ज केपे मदारसंघातून तर सर्वात कमी ४५ अर्ज दाबोळी मतदारसंघातून मंजूर झालेत. लाडली लक्ष्मीचे सर्वात अधिक २३७ अर्ज फोंडा मदादारसंघातून तर सर्वात कमी ६७ अर्ज ताळीगाव मधून मंजूर झाले आहेत.

गोवा फॉर्वड पक्षाचे आमदार विजय सरदेसाई यांच्या मते मनोहर पर्रीकर मुख्यमंत्री असताना त्याचं अशा गृहकल्याण योजनांकडे लक्ष असायचं. गरजवंतांचे अर्ज मंजूर होत नाहीये किंवा मंजूर झालेल्या अर्जांवर पैसे न मिळणं ही खेदजनक बाब आहे. सरकार इव्हेन्टवर अधिक पैसे खर्च करतंय तर गरजू लोकांचे अर्ज मात्र प्रलंबित ठेवले जातायत.