Margao Accident: दांडेवाडी-चिंचणी येथे ट्रकची धडक बसल्याने वृद्ध सायकलस्वार मकबूलसाब मुदेनूर (73) यांचा मृत्यू झाला. मंगळवारी (दि.14) सकाळी 09 वाजता ही घटना घडली.
या ट्रकची धडक बसल्याने जखमी अवस्थेत असलेल्या मकबूलसाब यांना मडगाव जिल्हा इस्पितळात आणले असता त्यांना मृत जाहीर करण्यात आले.
कुंकळ्ळी पोलिसांनी दिलेल्या माहितीनुसार, मकबूलसाब हे कुंकळ्ळी येथे राहात होते आणि सायकलवरूनच चुरमुरे विकण्याचे काम करत होते. सकाळी ते मडगाव येथे साहित्य विकायला जात होते.
त्यावेळी एका रंबलरवरून सायकल पुढे नेत असताना त्यांना पाठीमागून ट्रकची धडक बसली. हा रंबलर सदोष असल्याने अपघात झाला, असे सांगण्यात येते. याप्रकरणी ट्रकचालकाला अटक करण्यात आली आहे.
कुंकळ्ळी पोलिसांनी ट्रक चालक रवी रामेश्वर सिंग (वय 35, रा. पणजीपुरा, राजस्थान) याला अटक केली आहे.
चालक अपघातानंतर गाडीसह पळ काढत होता. नागरिकांनी ट्रक अडवला तरी देखील चालकाने ट्रक सोडून पळ काढत होता. दरम्यान, कुंकळ्ळी पोलिसांनी मोटार वाहन कायद्याअंतर्गत गुन्हा दाखल करत चालकाला अटक केलीय. पुढील तपास पोलिस करत आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.