मडगाव: गोव्यात सध्या सूरक्षा रक्षक नसलेली बँकाची एटीएम मशिने चोरण्याचा घटना वाढलेल्या असताना काल रात्री रावणफोंड मिलिटरी कॅम्प जवळ असलेल्या आयसीआयसीआय बँकेचे एटीएम मशीन अज्ञात चोरट्यानी उखडून चोरून नेल्याची घटना घडली आहे.

(ATM Theft In Margao)

त्यात सुमारे सात लाख रुपयांची चोरी झाल्याची माहिती मिळाली आहे. चोरट्यांनी हे ATM मशीन फोडून आत असलेली रक्कम पळवली असे तक्रारीत म्हटले आहे.

फोडलेले रिकामे मशीन चोरट्यांनी दोन किलो मिटर अंतरावर असलेल्या नेसाय येथील रेल्वे पुलाजवळच्या झाडीत फेकून दिले. या घटनेची माहिती मिळताच पोलीस घटना स्थळावर दाखल झाले. त्यांनी कुत्र्यांना आणून चोरट्यांचा माग घेण्याचा प्रयत्न केला अशी माहिती पोलिसांनी दिली.