Goa Liquor Seized गोव्यातून महाराष्ट्रासह लगतच्या कर्नाटक राज्यात अवैधरित्या दारूची वाहतूक केली जाते. अबकारी अधिकार्‍यांच्या सतर्कतेने बऱ्याचदा चेकपोस्टवर अवैधरित्या दारू वाहतूक करणारी वाहने जप्त केली जातात.

नुकतीच अशीच एक घटना घडली आहे. मोले चेकपोस्टवर विनापरवाना दारू वाहतूक करणाऱ्या वाहनांवर कारवाई करत पोलिसांनी 65.28 लिटर दारू जप्त केलीय.

त्यातच सध्या कर्नाटकात विधानसभा निवडणुकांचेवारे वाहू लागले आहेत. मतदार दारू सारख्या प्रलोभनांना बळी पडू नयेत तसेच निवडणूक मुक्त व निष्पक्ष व्हावी यासाठी चेकपोस्टवर सर्व वाहनांची कसून तपासणी करण्याचे निर्देश उत्पादन शुल्क आयुक्तांनी दिले आहेत. याच पार्श्वभूमीवर हि कारवाई केल्याचे समजतेय.

यासंबंधी प्रभारी उत्पादन शुल्क निरीक्षक रोहित देसाई यांनी माहिती देताना असे म्हटले आहे की, निवडणूक मुक्त व निष्पक्ष व्हावी यासाठी सर्व वाहनांची कसून तपासणी करण्यात येत असून मोले चेकपोस्ट येथे 65.28 लिटर दारू जप्त करण्यात आली आहे.