54th IFFI Goa: यंदाच्या इफ्फीची तयारी आता पूर्ण झाली असून आपले राज्य 54 व्या आंतरराष्ट्रीय चित्रपट महोत्सवासाठी सज्ज झाले आहे.

इफ्फीसाठी 3000 हून अधिक चित्रपटांच्या प्रवेशिका दाखल झाल्या असून महोत्सवात 103 आंतरराष्ट्रीय चित्रपट दाखवले जाणार आहेत.

तसेच महोत्सवात सहभागी झालेले जगातील इतर सर्व चित्रपट यंदाच्या इफ्फी महोत्सवाच्या कॅलिडस्कोपमध्ये दाखवले जातील, अशी माहिती एनएफडीसीचे एमडी प्रुथुल कुमार यांनी दिलीय. सदर माहिती आज घेतलेल्या पत्रकार परिषदेत देण्यात आली आहे.

मायकल डग्लसयांना सत्यजित रे पुरस्कार.. 

तसेच अमेरिकन स्टार आणि प्रसिद्ध हॉलिवूड अभिनेता मायकेल डग्लस यांना बहुमानाचा सत्यजित रे जीवनगौरव पुरस्कार जाहीर करण्यात आला आहे.

डग्लस हे 27 ते 29 या कालावधीत गोव्यात असून त्यांना कला अकादमी येथे 28 नोव्हेंबर रोजी त्याला जीवनगौरव पुरस्काराने सन्मानित करण्यात येणार आहे.

इफ्फीसाठी पार्किंग व्यवस्था

इफ्फीचा उद्‍घाटन व समारोप सोहळा डॉ. श्‍यामाप्रसाद मुखर्जी प्रसाद स्टेडिअमवर होणार असल्याने स्टेडिअमच्या बाहेरील परिसरात चारचाकी तर तेथील मोकळ्या जागेत दुचाकींची सोय करण्यात आली आहे. या दोन्ही सोहळ्यानंतर वाहतूक कोंडी होऊ नये म्हणून आवश्‍यक तयारी करण्यात आली आहे. इफ्फी कार्यक्रमाच्या विविध ठिकाणीही पार्किंग व्यवस्था करण्यात आली आहे. ठिकठिकाणी वाहतुक पोलिस तैनात असणार आहेत.