Akash Naik Rangoli : आकाश नाईक या रांगोळी कलाकाराच्या हातामधली जादू, कला प्रांतात अधिक गांभीर्याने घ्यायची गरज आहे. 3-डी इफेक्ट निर्माण करणाऱ्या त्याच्या रांगोळी अतिशय प्रभावी असतात.

रांगोळी ही अल्पकालीक कला असल्याने, या कलेकडे थोडेसे दुय्यम नजरेनेच पाहिले जाते पण आकाशने आजवर आपल्या रांगोळी कौशल्याचा जो प्रत्यय दर्शकांना दिला आहे तो नक्कीच दखल घेण्यासारखा आहे.

सावर्डे येथील श्री शारदा इंग्लिश हायस्कूलमध्ये आकाश चित्रकला शिक्षक आहेत. शालेय उपक्रमाचा भाग म्हणून, काल त्याने आपल्या काही विद्यार्थ्यांबरोबर मिळून त्रिमिती सदृश्य भास निर्माण करणारी ही ॲनाकोंडाची भव्य रांगोळी, सुमारे चार तासांच्या कालावधीत साकारली.

साधारण 25 X 20 फूट आकाराची ही रांगोळी आहे. रांगोळी समोर उभ्या असलेल्या विद्यार्थ्यांच्या उंचीची तुलन करता या रांगोळीच्या आकाराची कल्पना येते. विद्यार्थ्यांसमवेत रांगोळी कलाकार आकाश नाईक देखील उभे आहेत.