Mapusa Municipality: म्हापसा पालिकेच्या उपनगराध्यक्षपदी विराज फडके बिनविरोध

Mapusa Municipality: म्हापसा नगरपालिकेच्या उपनगराध्यक्षपदी विराज फडके याची निवड झाली आहे. उमेदवारी अर्ज भरण्याच्या शेवटच्या दिवशी दोन अर्ज दाखल झाले होते. मात्र, विरोधी गटातील नगरसेवक आनंद भाईडकर यांनी अर्ज मागे घेतल्याने विराज याची बिनविरोध निवड झाली.

म्‍हापसा नगरपालिकेच्या उपनगराध्यक्षपदासाठी सत्ताधारी व विरोधी गटात ररस्सीखेच पाहायला मिळली होती. सत्ताधारी गटाकडून नगरसेवक विराज फडके तर विरोधी गटाकडून नगरसेवक आनंद भाईडकर हे रिंगणात होते. त्यामुळे बाजी कोण मारणार, याची सगळ्यांनाच उत्सुकता लागली होती. या उपनगराध्यक्षपदाच्या शर्यतीत विराज फडके यांनी बाजी मारली.

यापूर्वी म्हापसा नगराध्यक्षपदासाठी 31 जानेवारीला निवडणूक पार पडली होती. त्यावेळी नगराध्यक्ष म्हणून प्रिया मिशाळ यांची बिनविरोध निवड झाली.