Pernem, Goa

भाईडवाडा-कोरगाव येथील बेपत्ता असलेल्या राजेश धारगळकर (39) याचा मृतदेह आज सकाळी वेरे येथे नदीत सापडला. उत्तरीय तपासणीनंतर मंगळवारी (दि.19) संध्याकाळी 6.30 वा. त्याच्या मृतदेहावर शोकाकुल वातावरणात अंत्यसंस्कार झाले.

राजेश हा एका हॉटेल मध्ये कामाला होता व फावल्या वेळेत तो कारने भाडी मारायाचा. दीड दोन वर्षापूर्वी त्याचे लग्न झाले होते. त्याच्या पश्चात पत्नी व दोन महिन्यांचा एक मुलगा, आई, एक भाऊ असा परिवार आहे.

रविवारी मध्य रात्री मोबाईल फोन घरीच ठेवून कार घेऊन तो गेला, तो घरी परतला नाही. तर कार अटल सेतूवर उभी करून ठेवलेली आढळली होती. या प्रकरणी पर्वरी पोलीस पुढील तपास करत आहेत.