थिवी येथील धानवा परिसरात विहिरीत एका महिलेचा मृतदेह आढळला होता. ही घटना तीन दिवसांपूर्वी (4 नोव्हेंबर ) घडली होती. पोलिसांना या मृतदेहाची ओळख पटवण्यात यश आले असून तो मृतदेह कर्नाटक येथील महिलेचा असल्याची माहिती समोर आली आहे. तसेच हत्या करणारा देखील कर्नाटक येथील असल्याची माहिती समोर आली आहे.

(30 year old female body has been found with stone tied around her waist inside a well at Thivim Dhanva )

मिळालेल्या माहितीनुसार 4 नोव्हेंबर रोजी थिवी येथील धानवा परिसरात एका विहिरीत सडलेल्या अवस्थेत यल्लमा बेकिनाल या महिलेचा मृतदेह आढळला होता. या महिलेच्या मृतदेहाला दगड बांधलेला असल्याचे आढळले असल्याने पोलिसांनी ही हत्या असावी असा संशय व्यक्त केला होता. तो आता खरा ठरला आहे. त्यामूळे धानवा परिसरात एकच खळबळ उडाली आहे.

मृत यल्लमा बेकिनाल ह्या मुळच्या कर्नाटकातील विजापूर येथील आहेत. पोलिसांनी तपासाचा वेग वाढवत गुन्हेगाराला ताब्यात घेतले आहे. अटक करण्यात आलेला गुन्हेगार हावेरी, कर्नाटक येथील असल्याचे तपासात उघड झाले आहे.

पती विजापूरला गेल्यानंतर झाला घात

आरोपीचे नाव मंजू हनुमंतप्पा नजंत्री (Manju Nhajantri ) वय 39 वर्षे असे असल्याचे समोर आले आहे. आरोपीची चौकशी केली असता त्याने खून केल्याची कबुली दिली आहे. मृत महिला आणि तिच्या पतीमध्ये शाब्दिक वाद झाला होता. त्यामूळे तीचा पती मूळ गावी विजापूरला निघून गेल्यानंतर हा प्रकार घडल्याचे समोर आले आहे.