Meat Waste in Car: येथील टेम्पो स्टॅण्डवर खुल्या जागी कारमध्ये मांस कचरा साठवून परिसरात दुर्गंधी पसरवल्याप्रकरणी पालिकेने या कारवजा दुकान मालक जावेद चौधरीला 25 हजारांची दंड ठोठावला.

हा प्रकार मंगळवारी (ता.१५) सायंकाळी उघडकीस आला. येथील टेम्पो स्टॅण्डमध्ये एका कारगाडीतून दुर्गंधी येत असल्याची माहिती मिळताच नगराध्यक्षा प्रिया मिशाळ व पालिका कर्मचाऱ्यांनी घटनास्थळी धाव घेतली. तसेच, म्हापसा पोलिसांना व अग्निशमन दलाला पाचारण केले.

तपासणीअंती जीए ०७ एफ ८८७१ क्रमांकाच्या कारमध्ये सहा ड्रम आणि २५ पिशव्यांमध्ये मांसचा कचरा असल्याचे आढळले. त्यामुळे पालिका, पोलीस व अग्निशमन दलाच्या कर्मचाऱ्यांनी सुटकेचा श्वास घेतला. दरम्यान, ही मांस कचरा गाडी सोमवारी रात्री आणून ठेवली होती. मंगळवारी सकाळी काहींनी दुर्गंधी येत असल्याची माहिती पालिकेला दिली होती.