Goa Road Accident: गोव्यातील वाढते अपघात आता सरकारची डोकेदुखी बनले आहे. दररोज किमान 1-2 अपघातांच्या बातम्या गोवेकरांच्या वाचण्यात आणि बघण्यात येतात. गोव्यात शिरवई येथे एक स्वयं अपघात घडला आहे. यामध्ये दोघेजण जखमीही झाले आहेत.

मिळालेल्या माहितीनुसार, शिरवई येथे एका कारचा स्वयं अपघात घडला. कारचालकाचे गाडीवरील नियंत्रण सुटल्याने कार विद्युत पोलवर जाऊन आदळली. या धडकेत गाडीचे मोठ्या प्रमाणात नुकसान झाले.

यावेळी गाडीत तिघेजण उपस्थित होते. त्यापैकी दोघांना या अपघातात जबर मार लागला असून त्यांना केपेमधील प्राथमिक आरोग्य केंद्रात दाखल करण्यात आले असून सध्या त्यांच्यावर उपचार सुरू आहेत.

दरम्यान, ताळगावमध्ये रविवारी रात्री दुचाकी आणि कारमध्ये जोरदार धडक होऊन भीषण अपघात झाला होता. ही धडक इतकी भीषण होती की यात दोन्ही गाड्यांचे प्रचंड नुकसान झाले आहे.

अपघातात दुचाकीस्वार गंभीर जखमी झाल्याने इस्पितळात नेत असताना त्याचा जागीच मृत्यू झाला. दरम्यान, अपघातातील कारचालक महिलेला सायंकाळी पणजी पोलिसांनी अटक केली आहे. बेदरकारपणे व निष्काळजीपणे कार चालवल्याप्रकरणी या महिलेला अटक करण्यात आली आहे.