Dharbandora Goa Accident

धारबांदोडा: पेटके येथे ट्रक आणि दुचाकी यांच्यात झालेल्या अपघातात हरियाणाचा १९ वर्षीय पर्यटक ठार झाला आहे तर अन्य एकजण गंभीर जखमी झाला आहे. आज (२० डिसेंबर) दुपारी ही घटना उघडकीस आली.

राहुल बन्सल (वय १९, रा. हरियाणा) असे या अपघातात मृत झालेल्या तरुण पर्यटकाचे नाव असून, शौनक प्रभाकर (१९, हरियाणा ) असे जखमी झालेल्या पर्यटकाचे नाव आहे. जखमी पर्यटकावर रुग्णालयात उपचार सुरु आहेत.

फोंडा पोलिसांनी घटनास्थळी दाखल होत घटनेचा पंचनामा केला. अपघाग्रस्त ट्रक आणि दुचाकी पोलिसांनी ताब्यात घेतली आहे. दुचाकीचे दोन तुकडे झाले असून, दुचाकीचे तुटलेले भाग, निखळलेले चाक रस्त्यावर विखुरलेले होते. पोलिस अधिक तपास करत आहेत.