केपे: बोरीमळ - केपे येथे काल सकाळी दुचाकीवरून पडून झालेल्या अपघातात बोरीमळ येथील रोसगन रॉड्रीगीस (वय 19) या युवकाचे निधन झाले.

केपे पोलिसांनी दिलेल्या माहितीनुसार, काल सकाळी 10.40वा. बोरीमळ येथे दुचाकीवरून पडून गंभीर जखमी झालेल्या रोसगन याचे जिल्हा हिस्पिटलमध्ये संध्याकाळी सात वाजता उपचार सुरू असताना निधन झाले. केपे पोलिसांनी घटनेचा पंचनामा केला असून आज शवचिकित्सा केल्यानंतर मृतदेह त्यांच्या कुटुंबीयांकडे देण्यात येणार आहे. दरम्यान, बोरीमळ येथील रोसगन रॉड्रीगीस या युवकाचे दुचाकी अपघातात झालेल्या निधनामुळे बोरीमळ परिसरात हळहळ व्यक्त करण्यात येत आहे.