Donovan Ferreira: अमेरिकेत सध्या क्रिकेटचा रोमांच पाहायला मिळत आहे. येथे खेळल्या जात असलेल्या मेजर क्रिकेट लीग (एमएलसी 2025) च्या दुसऱ्या हंगामात चौकार आणि षटकारांचा पाऊस पडत आहे. 2 जुलै रोजी एक रोमांचक सामना झाला, ज्यामध्ये दक्षिण आफ्रिकेच्या एका तरुण खेळाडूने षटकारांचा पाऊस पाडला. हा खेळाडू आयपीएल 2025 मध्ये दिल्ली कॅपिटल्सचा भाग होता, परंतु त्याला फक्त 1 सामना खेळण्याची संधी मिळाली. आता हाच खेळाडू पिवळ्या जर्सीमध्ये फक्त षटकारांचीच भाषा बोलत आहे.

दरम्यान, 3 जुलै रोजी दुसऱ्या हंगामातील 23वा सामना टेक्सास सुपर किंग्ज आणि वॉशिंग्टन फ्रीडम यांच्यात खेळला गेला. पावसामुळे प्रभावित झालेला हा सामना 5 षटकांचा होता, ज्यामध्ये टेक्सास संघाने 5 षटकांत 2 गडी गमावून 87 धावा केल्या. डेनोवन फरेराने संघासाठी शेवटच्या षटकात 28 धावा काढल्या, ज्यामध्ये 4 षटकारांचा समावेश होता. शेवटच्या षटकात काढलेल्या 28 धावांच्या आधारे टेक्सास संघाने 87 धावा केल्या, त्यानंतर गोलंदाजी करताना वॉशिंग्टनला 44 धावांतच रोखले आणि 43 धावांनी विजय संपादन केला.

मिचेल ओवेनला लय धुतलं

विजयाचा नायक डोनोवन फरेरा ठरला, त्याने 9 चेंडूत 5 षटकारांसह 37 धावा केल्या. त्याचा स्ट्राईक रेट 411.11 होता. फरेराने आयपीएल 2025 मध्ये पंजाब किंग्जकडून पदार्पण करणाऱ्या मिचेल ओवेनला लक्ष्य केले. तो वॉशिंग्टनकडून शेवटचे षटक टाकण्यासाठी आला. फरेराने या षटकाच्या पहिल्या तीन चेंडूंवर षटकारांची हॅटट्रिक केली, त्यानंतर पुढील दोन चेंडूंवर अनुक्रमे 2 धावा आणि शेवटच्या चेंडूवर एक षटकार मारला. अशाप्रकारे ओवेनला 28 धावा काढल्या.

फरेराने चमत्कार केला

दरम्यान, टेक्सास संघाची सुरुवात चांगली झाली नाही. मार्कस स्टॉयनिस आणि डॅरिल मिशेल संघाकडून सलामीला आले. स्टॉयनिस केवळ 2 धावा काढून बाद झाला. त्यानंतर मिशेल 6 धावा काढून रिटायर्ड आउट झाला. तिसऱ्या नंबरवर खेळण्यासाठी आलेल्या शुभम रंजनेने 14 चेंडूत 4 चौकार आणि 3 षटकार लगावले. शेवटी, फरेराने 37 धावांची विस्फोटक खेळी खेळत चाहत्यांची मने जिंकली. 88 धावांच्या लक्ष्याचा पाठलाग करताना फ्रीडमने 18 धावांच्या आत रचिन रवींद्र, ग्लेन मॅक्सवेल (Glenn Maxwell) आणि मिशेल ओवेन या 3 मोठ्या विकेट्स गमावल्या. हे त्यांच्या पराभवाचे कारण बनले. संपूर्ण संघ अवघ्या 44 धावा करु शकला.