Karnataka Defeats Goa by 7 Wickets in U23 Women's One Day Cricket Match

पणजी: महिलांच्या २३ वर्षांखालील एकदिवसीय क्रिकेट सामन्यात कर्नाटकने गोव्यावर सात विकेट राखून सहज मात केली. स्पर्धेच्या ब गटातील सामना शुक्रवारी केरळमधील तिरुवनंतपुरम येथे झाला.

गोव्याने (Goa) नाणेफेक जिंकून प्रथम फलंदाजी स्वीकारली, पण कर्नाटकच्या प्रभावी माऱ्यासमोर त्यांचा डाव गडगडला. अखेरच्या विकेटसाठी हर्षदा कदम (नाबाद ४०) हिने भारती सावंत (१०) हिच्यासमवेत ३१ धावांची भागीदारी केल्यामुळे गोव्याला १३२ धावापर्यंत मजल मारता आली. कर्नाटकने २३ षटकांत तीन विकेट गमावून विजयाची औपचारिकता पूर्ण केली.

संक्षिप्त धावफलक: गोवा ः ३४.३ षटकांत सर्वबाद १३२ (हर्षिता यादव १३, कुशी बांदेकर १०, उस्मा खान २५, पूर्वा भाईडकर ३, तनिशा गायकवाड ५, तनया नाईक ११, हर्षदा कदम नाबाद ४०, साक्षी गावडे ०, सेजल सातार्डेकर ३, विधी भांडारे १, भारती सावंत १०, नमिता डिसोझा २-२५, मिथिला विनोद २-२२, पी. सलोनी ३-१६) पराभूत वि. कर्नाटक ः २३ षटकांत ३ बाद १३३ (लावण्या चलाना २३, जी. आर. प्रेरणा ४४, मिथिला विनोद नाबाद २७, बी. जी. तेजस्विनी नाबाद १६, उस्मा खान ३-०-१५-०, सेजल सातार्डेकर ७-०-३४-२, विधी भांडारे ३-०-२५-०, पूर्वा भाईडकर ७-२-३०-१, भारती सावंत २-०-१४-०, साक्षी गावडे १-०-१०-०).