India vs Pakistan U19: 2025 वर्षात भारत आणि पाकिस्तान यांच्यात एकापेक्षा एक जबरदस्त क्रिकेट सामने पाहायला मिळाले. चॅम्पियन्स ट्रॉफीपासून ते आशिया कपपर्यंत यावर्षी भारताने पाकिस्तानला लागोपाठ 4 सामन्यांमध्ये पराभूत केले. आता हे वर्ष संपण्यापूर्वी दोन्ही कट्टर प्रतिस्पर्धी संघ पुन्हा एकदा आमनेसामने येणार आहेत. विशेष म्हणजे, हा सामना अफगाणिस्तानच्या यजमानपदाखाली दुबईमध्ये खेळल्या जाणाऱ्या एका महत्त्वपूर्ण स्पर्धेत होईल.
दुबईमध्ये 12 डिसेंबरपासून एसीसी मेन्स अंडर-19 आशिया कप 2025 चा थरार सुरु होत आहे. या स्पर्धेत एकूण 8 संघ सहभागी होणार आहेत, ज्यात भारत आणि पाकिस्तानचा समावेश आहे.
सहभागी संघ: भारत (India), पाकिस्तान, बांगलादेश, अफगाणिस्तान, मलेशिया, नेपाळ, श्रीलंका आणि यूएई (UAE).
ग्रुप 'ए': भारत, पाकिस्तान आणि मलेशिया.
ग्रुप 'बी': अफगाणिस्तान, बांगलादेश, नेपाळ आणि श्रीलंका.
भारतीय संघ 12 डिसेंबर रोजी यूएईविरुद्धच्या सामन्याने आपल्या अभियानाची सुरुवात करेल. हा सामना दुबईतील आयसीसी अकॅडमी ग्राउंडवर खेळला जाईल. दोन्ही संघ 14 डिसेंबर (रविवार) रोजी पुन्हा एकदा आमनेसामने येतील. हा हाय-व्होल्टेज मुकाबलाही दुबईच्या आयसीसी अकॅडमी ग्राउंडवर खेळला जाणार आहे. भारतीय संघ आपला तिसरा आणि शेवटचा ग्रुप स्टेजचा सामना 16 डिसेंबर रोजी मलेशियाविरुद्ध दुबईतील 'द सेवेन्स स्टेडियम'वर खेळेल.
भारत आणि पाकिस्तान (Pakistan) यांच्यातील हाय-व्होल्टेज मुकाबला 14 डिसेंबर रोजी यूएई वेळेनुसार सकाळी 9 वाजता सुरु होईल, तर भारतीय वेळेनुसार (IST) सकाळी 10:30 वाजता खेळला जाईल. 18 वर्षीय आयुष म्हात्रे (Ayush Mhatre) भारतीय अंडर-19 संघाचे नेतृत्व करेल. तर पाकिस्तान संघाची कमान फरहान युसूफ (Farhan Yusuf) च्या हाती असेल.
या महत्त्वपूर्ण स्पर्धेसाठी दोन्ही देशांनी आपल्या संघाची घोषणा केली.
आशिया कपसाठी भारतीय अंडर-19 संघ:
आयुष म्हात्रे (कर्णधार), वैभव सूर्यवंशी, विहान मल्होत्रा (उपकर्णधार), वेदांत त्रिवेदी, अभिज्ञान कुंडू (यष्टीरक्षक), हरवंश सिंग (यष्टीरक्षक), युवराज गोहिल, कनिष्क चौहान, खिलन ए. पटेल, नमन पुष्पक, डी. दीपेश, हेनिल पटेल, किशन कुमार सिंग*, उद्धव मोहन, एरॉन जॉर्ज.
राखीव खेळाडू: राहुल कुमार, हेमचूडेशन जे, बी.के. किशोर, आदित्य रावत.
आशिया कपसाठी पाकिस्तान अंडर-19 संघ:
फरहान युसूफ (कर्णधार), उस्मान खान (उपकर्णधार), हुजैफा अहसन, अली हसन बलुच, अहमद हुसेन, मोहम्मद हुजैफा, दानियाल अली खान, समीर मिन्हास, मोमिन कमर, अली रजा, मोहम्मद सैयम, निकाब शफीक, मोहम्मद शायन (यष्टीरक्षक), अब्दुल सुभान, हमजा जहूर (यष्टीरक्षक).
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.