पणजी: माजी विजेत्या चर्चिल ब्रदर्सला गोवा प्रोफेशनल लीग फुटबॉल स्पर्धेत सलग चौथ्या पराभवास सामोरे जावे लागले. रविवारी म्हापसा येथील धुळेर स्टेडियमवर सेझा फुटबॉल अकादमीने त्यांच्यावर २-० फरकाने मात केली.
सेझा अकादमीचा कर्णधार सिद्धार्थनाथ गावस याने पेनल्टी फटक्यावर २०व्या मिनिटास आघाडीचा गोल केला. यावेळी चर्चिल ब्रदर्सच्या अथर्व दांडेकर याने सेझा अकादमीच्या संकल्प काणकोणकर याला गोलक्षेत्रात पाडले होते. नंतर ज्योबर्न कार्दोझ याचा ताकदवान फटका गोलपट्टीला आपटल्यामुळे चर्चिल ब्रदर्सची आघाडीची संधी हुकली.
६९व्या मिनिटास मायरन परेराच्या पासवर संकल्प काणकोणकर याने शानदार गोल केल्यामुळे सेझा अकादमीची आघाडी भक्कम बनली. सेझा अकादमीचा हा दोन सामन्यांतील पहिला विजय असून त्यांचे तीन गुण झाले आहेत. चर्चिल ब्रदर्सला चौथ्या पराभवामुळे गुणाच्या प्रतीक्षेत राहावे लागले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.