C K Nayudu Cricket Trophy U23 2024 Goa Vs Nagaland

पणजी: कर्नल सी. के. नायडू करंडक २३ वर्षांखालील क्रिकेट स्पर्धेतील ब गट सामन्यात गोव्याने २०२ धावांची आघाडी घेतल्यानंतर नागालँडवर फॉलोऑन लादला. त्यानंतर यजमान संघाने डावाचा पराभव टाळण्यासाठी झुंज देताना दुसऱ्या डावात २ बाद १०७ धावा केल्या. ते अजून ९५ धावांनी मागे आहेत.

सामना नागालँडमधील सोविमा येथे सुरू आहे. गोव्याच्या ४५९ धावांना उत्तर देताना नागालँडचा पहिला डाव कालच्या २ बाद ११८ वरून मंगळवारी २५७ धावांत आटोपला. नंतर दुसऱ्या डावातही मुघावी सुमी याने आक्रमक अर्धशतक केले. त्यामुळे नागालँडला शतकी धावसंख्या पार करता आली. सुमी याने ६६ चेंडूंत नऊ चौकार व एका षटकारासह ५७ धावा केल्या.

संक्षिप्त धावफलक

गोवा, पहिला डाव ः ४५९.

नागालँड, पहिला डाव (२ बाद ११८ वरून) ः १०४.५ षटकांत सर्वबाद २५७ (केनेईझेतुओ रियो ३१, युगंधर २०, सुजल प्रसाद २५, अर्जुन ३०, अनिल गुप्ता नाबाद २३, सौरव १९, शदाब खान ३९-१५-८७-३, लखमेश पावणे २१-५-६०-२, शिवम प्रताप सिंग १०-१-३३-०, अभिनंदन ठाकूर १२-२-२१-०, अझान थोटा ७-२-१३-१, कौशल हट्टंगडी १२-५-१६-२, आर्यन नार्वेकर ३.५-०-६-२) व दुसरा डाव ः ३६ षटकांत २ बाद १०७ (विशाल साहानी नाबाद ३३, मुघावी सुमी ५७, युगंधर नाबाद २०, कौशल हट्टंगडी १-८, आर्यन नार्वेकर १-१२).