पणजी: पुदुचेरी क्रिकेट असोसिएशनच्या १९ वर्षांखालील पुरुष आंतरराज्य एकदिवसीय करंडक क्रिकेट स्पर्धेत गोव्याच्या आदित्य कोटा व मिहीर कुडाळकर यांनी झुंझार अर्धशतके केली, पण ते संघाचा मोठा पराभव टाळू शकले नाहीत. यजमान पुदुचेरीने ११० धावांनी दणदणीत विजय प्राप्त केला.

प्रथम फलंदाजी करताना आर. जिवितेशन (१०२ धावा, ११२ चेंडू, ८ चौकार व ४ षटकार) आणि आहिल कचरू (११८ धावा, १२१ चेंडू, १३ चौकार, ३ षटकार) यांच्या दणकेबाज शतकांच्या बळावर पुदुचेरीने प्रथम फलंदाजी करताना ७ बाद ३४२ धावा केल्या.

नंतर गोव्याचा डाव २३२ धावांत संपुष्टात आला. सलामीच्या आदित्य कोटा याने ५५ चेंडूंत पाच चौकार व एका षटकारासह ५४ धावा केल्या, तर तळात आक्रमक फलंदाजी करताना मिहीर कुडाळकरने ४० चेंडूंत पाच चौकार व चार षटकारांसह ६१ धावा नोंदविल्या.

संक्षिप्त धावफलक

पुदुचेरी ः ५० षटकांत ७ बाद ३४२ (आर. जिवितेशन १०२, आहिल कचरू ११८, नयन चोप्रा ४९, धर्मेंद्र कसाना २१, सृजन सिंहासन २१, गोविंद सावळ ९-०-९१-०, वेदांत डब्राल ८-१-४७-२, मिहीर कुडाळकर ९-०-४३-२, आफ्रिदसाब राजक्कनावर ८-०-२८-०, संचित नाईक ७-०-३९-०, जय कांगुरी ४-०-४८-०, मोहित यादव ५-०-४४-२) वि. वि.

गोवा ः ४३.१ षटकांत सर्वबाद २३२ (आदित्य कोटा ५४, विनीत कामत ३७, आफ्रिदसाब राजक्कनावर २०, आराध्य गोयल २२, मोहित यादव ७, वेदांत डब्राल १, साई नाईक १, मिहीर कुडाळकर ६१, गोविंद सावळ २, जय कांगुरी १४, संचित नाईक नाबाद ४, सृजन सिंहासन १-४८, एमकेएस हरिप्रसाद १-२६, देवांश तिवारी १-३९, पिंकू २-४९, नयन चोप्रा ६.१-०-४६-५).