दक्षिण चित्रपटांमधील अनेक प्रमुख चेहऱ्यांपैकी एक म्हणजे कीर्ती सुरेश. महानटी या चित्रपटामधून कीर्तीच्या करियरला एक वेगळीच कलाटणी मिळाली आहे. घराघरांमधून कीर्तीला प्रेम दिलं जातंय. कीर्तीचा चाहतावर्ग देखील भलामोठा असून अनेक चाहत्यांना कीर्तीच्या लग्नाची ओढ लागली आहे. मंगळवारी समोर आलेल्या बातमीनुसार कीर्ती सुरेश 11 डिसेंबर रोजी बॉयफ्रेंड अँटोनी थाटील यांच्यासोबत गोव्यात लग्नगाठ बांधणार आहे आणि यानंतर आता कीर्तीचा होणारा नवरा कोण अशी उत्सुकता अनेकांच्या मानत निर्माण झाली आहे.
कीर्ती सुरेशचा होणारा नवरा म्हणजेच अँटोनी थाटील हा एक दुबईमधला उद्योगपती आहे आणि त्याची कोचीमध्ये अनेक हॉटेल्स आहेत. या शिवाय अँटोनी थाटीलच्या चेन्नईमध्ये अनेक कंपन्या देखील आहेत.
कीर्ती आणि अँटोनी गेल्या 15 वर्षांपासून एकमेकांच्या प्रेमात आहेत. माध्यमांना मिळालेल्या माहितीनुसार 2008-09 पासून कीर्ती आणि अँटोनी यांच्या प्रेमसंबंध निर्माण झाले होते. यावेळी कीर्ती शाळेत शिकत होती तर अँटोनी कॉलेजमध्ये होता. अँटोनी आणि कीर्ती हे एकमेकांसोबतचे फोटो जास्ती शेअर करत नसल्याने हे नातं अजून समोर आलं नव्हतं.
माध्यमांना मिळालेल्या माहितीनुसार कीर्ती सुरेश आणि अँटोनी थाटील गोव्यातील एका आलिशान रिसॉर्टमध्ये लग्न करणार आहेत आणि हा सोहळा केवळ त्यांच्या घरच्यांसाठी तसेच जवळच्या मंडळींसाठी मर्यादित असेल. डेक्कन हेराल्ड या इंग्रजी वृत्तपत्राने दिलेल्या माहितीनुसार 9 डिसेंबर पासून कीर्तीच्या लग्न सोहळयाला सुरुवात होईल आणि पुढचे तीन दिवस हा विवाह सोहळा सुरु असेल.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.