Sneha Reddy Birthday Celebrations In Goa

पणजी: दक्षिणेतील सुपरस्टार अल्लू अर्जुन याने त्याची पत्नी स्नेहा रेड्डीचा नुकताच गोव्यात वाढदिवस साजरा केला. अल्लूने पत्नीच्या वाढदिवसानिमित्त संपूर्ण कुटुंबासह गोव्यात हजेरी लावली. स्नेहा रेड्डीच्या गोव्यातील वाढदिवसाच्या सेलिब्रेशनचे विविध फोटो सोशल मिडियावरुन समोर आले आहेत.

स्नेहा रेड्डीने इंस्टाग्राम अकाउंटवर गोव्यातील तिच्या वाढदिवसाच्या सेलिब्रेशनचे काही फोटो शेअर केले आहेत. स्नेहाच्या या फोटोंमध्ये तिचे मित्र आणि कुटुंबीय आहेत.

स्नेहाच्या फोटोत तिचा पती अल्लू अर्जुन, त्यांची मुले अयान आणि अरहा पोझ देताना दिसत आहेत.

स्नेहाने शेअर केलेल्या पुढच्या फ्रेममध्ये बड्डे गर्ल तिच्या मैत्रिणी आणि कुटुंबातील सदस्यांनी आणलेला एक स्वादिष्ट केक कापताना दिसत आहे. स्नेहाने एका बागेच्या मध्यभागी मोकळ्या जागेत वाढदिवसाचा केक कापला.

अल्लू अर्जुनच्या पत्नीच्या वाढदिवसानिमित्त अनेकांनी तिच्यावर शुभेच्छांचा वर्षाव केला आहे. बॉलीवूड ते टॉलीवूड सिने तारकांनी स्नेहाला खास शब्दात शुभेच्छा दिल्यात. अनेकांनी स्नेहच्या फोटोवर प्रतिक्रिया व्यक्त केल्या आहेत.

पती अल्लूने देखील लाडक्या पत्नीसाठी शुभेच्छा देत तिच्या उत्तम आरोग्याची मनोकामना व्यक्त केली. अल्लूने त्याच्या इंस्टाग्रामवर स्टोरी ठेवत स्नेहाला शुभेच्छा दिल्या.