Vijay Thalapathy at Keerthy Suresh Wedding

दक्षिणेतील प्रसिद्ध अभिनेत्री कीर्ती सुरेश आणि तिचा प्रियकर गोव्यात लग्नगाठ बांधण्यासाठी सज्ज आहेत. गुरुवारी (दि. १२ डिसेंबर) रोजी एका खासगी समारंभात कीर्ती लग्नगाठ बांधणार आहे. गेल्या अनेक दिवसांपासून कीर्ती आणि अँटोनी यांच्या लग्नाची सगळीकडेच जोरदार चर्चा होती. कीर्तीचा हा लग्नसमारंभ काही जवळच्या मंडळींसह पार पाडणार असल्याच्या बातम्या समोर येत होत्या आणि यांपैकी दक्षिणेतील सुपरस्टार थलापती विजय याने कीर्तीच्या लग्नाला उपस्थिती लावली आहे.

दक्षिणेतील नावाजलेल्या कलाकारांमध्ये थलापती विजय हे नाव घेतलं जातं. विजय सोबत असलेल्या काही जवळच्या मंडळींनी ट्विटरवर विजय गोव्यात असल्याची माहिती दिली आणि विजयच्या चाहत्यांनी लगेच आमचा विजय कीर्तीच्या लग्नात उपस्थित आहे असं म्हणत हा फोटो शेअर केला. हा फोटो सध्या सोशल मीडियावर बऱ्यापैकी गाजतोय.

विजय या फोटोमध्ये पारंपरिक दक्षिणी वेशात दिसतोय आणि त्याच्यासोबत काही लोकं सुद्धा पारंपरिक वेशात दिसतायत. कीर्ती सुरेशने स्वतः अजून लग्नाचे फोटोज शेअर केलेले नाही, मात्र चाहत्यांना तिच्या लग्नाची बरीच उत्सुकता लागून राहिली आहे.