मडगाव Goa Election 2022: सांगेचे अपक्ष आमदार प्रसाद गावकर आज दुपारी 12.30 वाजता आमदारकीचा राजीनामा देणार आहेत; आज संध्याकाळी ते काँग्रेस पक्षात प्रवेश करतील अशी सर्वत्र चर्चा आहे. (Goa Election 2022 latest news update: Prasad Gaonkar to resign as MLA today)

प्रसाद गावकरांना काँग्रेस (Congress) उमेदवारी देण्यास स्थानिक कार्यकर्त्यांचा होता विरोध

सांगेचे अपक्ष आमदार प्रसाद गावकर (Prasad Gaonkar) यांना काँग्रेस पक्षात प्रवेश देण्यास सांगे (Sanguem) गट काँग्रेसने (Congress) विरोध केला होता. दरम्यान या गट सदस्यांनी विरोधी पक्षनेते दिगंबर कामत (Digambar Kamat) यांची भेट घेऊन आपले म्हणणे मांडले होते. सांगेविषयी कुठलाही निर्णय घेताना गट समितीला विश्वासात घ्यावे अशी मागणी करण्यात आली होती.

कामत यांची भेट घेणाऱ्यामध्ये अभिजित देसाई (Abhijit Desai) रजनीकांत नाईक (Rajinikanth Naik) व अन्य सदस्यांचा समावेश होता. सांगेचे अपक्ष आमदार प्रसाद गावकर यांनी काँग्रेस पक्षात प्रवेश करण्याची तयारी केली आहे त्या पार्श्वभूमीवर काही दिवसापूर्वी ही भेट घेण्यात आली होती.