TMC: गोव्यातील राजकीय घडामोडींमुळे गोवा नेहमीच चर्चेत असतो. मागील 5 वर्षात गोव्यातील तब्बल 24 आमदारांनी पक्षांतर केले आहे. यातच माजी मंत्री मायकल लोबो यांना कॉंग्रेसमध्ये प्रवेश स्वीकारल्यामुळे कळंगुट काँग्रेस समितीचे (Calangute Congress Committee) सदस्य आग्नेल फर्नांडिस (Agnel Fernandes), जोजफ सिक्वेरा आणि अँथनी मिनेझिस यांनी आपली नाराजी स्पष्ट दर्शवली होती.

त्यांनी कॉंग्रेसविरुद्ध एकत्र लढा देण्याचे निश्चित केले होते. एकंदरीतच कॉंग्रेसला हरवण्यासाठी ते काहीही करू शकतात अशी चर्चा सुरू असतानाच, या तिघांच्याही तृणमूल कॉँग्रेसमध्ये (Trinamool Congres goa) पक्षप्रवेशाची बातमी समोर येत आहे. गोवा तृणमूल कॉंग्रेसच्या प्रभारी आणि टीएमसी खासदार महुआ मोईत्रा (Mahua Moitra) आणि आमदार चर्चिल आलेमाव (Churchill Alemao) यांच्या उपस्थितीत आग्नेल फर्नांडिस, जोजफ सिक्वेरा आणि अँथनी मिनेझिस यांनी इतर 300 जणांसोबत टीएमसीमध्ये प्रवेश केला आहे.

महुआ मोईत्रा यांच्या म्हणण्याप्रमाणे भाजपला पराभूत करण्यासाठी इतर भाजप विरोधी पक्षांनी एकत्र येणे आवश्यक आहे. त्यात त्यांना या पक्षांतरचा लाभ मिळत असलेला लाभ निवडणुकीवेळी नक्की दिसून येईल, असे अनेकांचे म्हणणे आहे. त्यामुळे गोवा विधानसभा निवडणूक (Goa Assembly Elections 2022) तोंडावर असूनही गोव्याच्या राजकारणात सुरू असलेले पक्षांतर कधी थांबणार? हा चर्चेचा मुद्दा बनला आहे.