Goa: संपूर्ण देशात सध्या गोवा विधानसभा निवडणुकीची चर्चा सुरू आहे. गोवा विधानसभा निवडणूक (Goa Assembly Elections 2022) सध्या तोंडावर असल्यामुळे गोव्यात निवडणुकीची तयारी पाहायला मिळत आहे. आणि यादरम्यान राजकीय पक्षांमधील शीतयुद्ध सुद्धा पाहायला मिळत आहे. प्रत्येक पक्ष आपलाच पक्ष सर्वश्रेष्ठ आहे ही जनतेला पटवून देत आहेत.

मधल्या काळात गोव्यातील अनेक राजकीय नेत्यानी पक्षांतर केले. त्यापैकी काहीजण तृणमूल पक्षातही गेले. यातच आता गोव्याचे मुख्यमंत्री प्रमोद सावंत यांनी मोठे विधान केले आहे. त्यांनी जनतेशी संवाद साधताना टीएमसी (TMC) वर निशाणा साधला आहे.

मुख्यमंत्री म्हणाले की, 'तृणमूल गोवेकरांची फसवणूक करत आहे. त्यांच्या सर्व योजना फसव्या आहेत. मी गोव्यातील महिलांना आवाहन करतो की त्यांनी तृणमूलच्या योजनांना बळी पडू नये. पुढील 5 वर्षांमध्ये आणि गोव्यातील जनतेसाठी खूप योजना आणणार आहोत. आणि त्यापैकीच एक म्हणजे पुढच्या 5 वर्षात आम्ही गोवेकरांसाठी 30 हजार नोकऱ्या उपलब्ध करणार आहोत.'