Congress  Dainik Gomantak
गोवा निवडणूक

Goa Assembly Election 2022: सासष्टीमध्ये काँग्रेससाठी सत्तेचे दार उघडणार का?

चार मतदारसंघात दोलायमान स्थिती

दैनिक गोमन्तक

मडगाव: ज्याच्या हाती सासष्टी त्याची गोव्यावर सत्ता असे समीकरण असल्याने गोव्याच्या राजकारणात या तालुक्याला अनन्य साधारण महत्व आहे. या तालुक्यातील आठही मतदारसंघ तसे पाहिल्यास काँग्रेस धार्जिणे. मात्र, यावेळी यातील चार मतदारसंघ असे आहेत जिथे काहीही घडू शकते आणि नेमकी तीच चिंता काँग्रेसला (Congress) सतावणारी आहे.

यावेळी काँग्रेस आणि गोवा (goa) फॉरवर्ड या पक्षात युती असून मडगाव, फातोर्डा, नुवे आणि काही प्रमाणात कुंकळ्ळी हे चार मतदारसंघ सोडल्यास बाणावली, कुडतरी, नावेली आणि वेळ्ळी या चार मतदारसंघात काहीही होऊ शकते अशी स्थिती आहे.

मडगाव आणि फातोर्डा येथे दिगंबर कामत (digambar kamat) आणि विजय सरदेसाई हे बाजी मारणार अशी शक्यता असून नुवेतून आलेक्स सिक्वेरा पुन्हा कमबॅक करतील अशी अपेक्षा आहे. कुंकळ्ळीतील बहुरंगी लढतीत भाजपचे क्लाफास डायस यांनी काँग्रेसचे युरी आलेमाव यांच्यासमोर आव्हान उभे केले असले, तरी आलेमाव ते परतवून लावतील अशी अपेक्षा व्यक्त केली जात आहे. मात्र, बाणावली, नावेली, वेळ्ळी आणि कुडतरी या चार मतदारसंघात काँग्रेससाठी 50 - 50 च संधी आहे. कुडतरीत काँग्रेसचे मोरेन रिबेलो यांना आलेक्स रेजिनाल्ड लोरेन्स यांच्या आव्हानाला तोंड द्यावे लागत आहे.

नावेलीत आपच्या प्रतिमा कुतिन्हो व तृणमूलच्या वालंका आलेमाव यांच्या उपस्थितीत काँग्रेसचे आवेर्तान फुर्तादो हे तिसऱ्या क्रमांकावर फेकले जाण्याची शक्यता आहे. वेळ्ळी हा पूर्णतः काँग्रेस धार्जिणा पक्ष असला तरी काँग्रेसचे सावियो डिसिल्वा व तृणमूलचे बेंजामिन सिल्वा यांच्यातील लढत भाजपातून राष्ट्रवादीत गेलेले फिलिप नेरी रोड्रिग्ज यांच्या पथ्यावर पडण्याची शक्यता आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Shadashtak Yog 2026: सूर्य-चंद्राचा अशुभ योग! 'या' 3 राशींच्या नोकरी-व्यवसायात वाढणार अडचणी; आर्थिक नियोजन कोलमडणार?

Canada Shooting: कॅनडात रक्तरंजित थरार! शॉपिंग स्टोअरबाहेर भारतीय वंशाच्या जोडप्याची हत्या; परदेशात भारतीयांवर हल्ल्यांचे सत्र सुरुच

Maharashtrian Shepu Bhaji: शेपू आवडतो की नावडतो? या भाजीच्या प्रेमात पडाल, अशी आहे चवीची भन्नाट कहाणी

Gossip Culture: गॉसिप्स अर्थात रिकामटेकड्यांच्या उचापती; गोड बोलून गुपिते काढणाऱ्यांपासून सावध राहा!

'आता उठवू सारे रान...' मुलांना मोबाईलच्या विळख्यातून बाहेर काढण्याची वेळ आली!

SCROLL FOR NEXT