कुठ्ठाळी मतदार संघातील काँग्रेसचे उमेदवार ऑलेन्सियो सिमॉईश यांच्या अरवले कुठ्ठाळी व झुवारीनगर येथील कार्यालयाचे विरोधी पक्षनेते दिगंबर कामत यांच्या हस्ते उद्घाटन करण्यात आले. या प्रसंगी काँग्रेसचे उमेदवार ऑलेन्सियो सिमॉईश, बेळगावीचे आमदार तथा कुठ्ठाळीळी मतदार संघाचे काँग्रेस प्रभारी लक्ष्मी हेब्बालकर, वेलसव सरपंच हेंन्रिक डिमेलो, केळीचे सरपंच मारिया सो झा तसेच कुठ्ठाळी गट समितीचे पदाधिकारी उपस्थित होते. याप्रसंगी ओलेन्सियो आणि दिगंबर कामत (Digambar Kamat) यांनी कुठ्ठाळी मतदार संघासाठी जाहीरनामा जारी केला.

ऑलेन्सियो म्हणाले की, हा जाहीरनामा कुठ्ठाळी मतदार संघातील आवाज, मागण्या आणि दुःखाचे प्रतिनिधित्व. करतो म्हणून आम्ही नऊ गाव निहाय जाहीरनामा घेऊन आहोत, जे पर्यावरणाचा नाश, सर्वसमावेशक पायाभूत विकास आणि मूलभूत सुविधा प्रदान करेल. 24 तास पाणी पुरवठा, अखंडित वीज पुरवठा, करण्याची विल्हेवाट, सीव्हरेज ट्रीटमेंट प्लांट, खड्डेमुक्त रस्ते इत्यादी सुविधा देण्याचा वचननामा या जाहीरनाम्यात दिला असल्याचे त्यांनी सांगितले. तसेच आरोग्याच्या पायाभूत सुविधा, शिक्षण शेतीला चालना देणे, कुठ्ठाळी पर्यटन केंद्र बनवणे ज्याचा प्रत्येक नागरिकाला फायदा होईल आणि कुठ्ठाळीच्या आदिवासी समुदायांचे संरक्षण करणे हे पुढील पाच वर्षात प्राधान्य असेल असे त्यांनी शेवटी सांगितले. दिगंबर कामत म्हणाले की कुठ्ठाळी मतदारसंघ जिंकण्याचा आम्हाला विश्वास आहे आणि 2022 मध्ये गोव्यात काँग्रेसचे (Congress) सरकार येईल असे त्यांनी छातीठोकपणे सांगितले.