Xi Jinping China President: चीनमध्ये पुन्हा एकदा शी जिनपिंग यांची राष्ट्रपतीं पदासाठी निवड झाली आहे. त्यांनी सलग तिसऱ्यांदा ही जबाबदारी स्वीकारली आहे. शुक्रवारी शी जिनपिंग यांनी राष्ट्रपती पदाची सूत्र हाती घेतली आहेत.

यासोबतचे शी जिनपिंग चीनमध्ये सर्वाधिक काळ सेवा देणारे राष्ट्रपती ठरले आहेत. नॅशनल पीपल्स काँग्रेस (NPC) पक्षाच्या 14 व्या बैठकीत शी जिनपिंग यांना तिसर्‍यांदा राष्ट्रपती बनण्यावर शिक्कामोर्तब झाला.

तिसऱ्यांचा राष्ट्रपती बनल्यामुळे त्यांची ताकद आणखी वाढणार आहे. जिनपिंग यांनी चीन सरकार आणि अर्थव्यवस्थेवर आपली पकड आणखी मजबूत केली आहे.

चीनच्या नॅशनल पीपल्स काँग्रेसची (CCP) वार्षिक बैठक रविवारी (5 मार्च) रोजी सुरू झाली. या बैठकीमध्ये नव्या राष्ट्रपतीच्या नावावर शिक्कामोर्तब करण्यात येणार होता. नॅशनल पीपल्स काँग्रेसची बैठक आठवडाभर सुरू होती.

त्यानंतर 10 मार्च रोजी जिनपिंग यांच्या नावावर सर्वांचं एकमत झाले. पण या बैठकीत शी जिनपिंग यांना काही आव्हानांचाही सामना करावा लागला. त्यांच्या झिरो-कोविड धोरणाबाबतही अनेक प्रश्न उपस्थित करण्यात आले. पण या सर्व आव्हानांवर त्यांनी मात केल्याने त्यांची पुन्हा एकदा राष्ट्रपती म्हणून निवड करण्यात आली आहे. 

• चीन लष्करावर 18 लाख कोटी खर्च करणार

जिनपिंग यांचा तिसरा कार्यकाळ अशा वेळी सुरू होतो, जेव्हा जगातील दुसरी सर्वात मोठी अर्थव्यवस्था संथ गतीने वाढत आहे. पण या बैठकीत चीन 2023 मध्ये 18 लाख कोटी रुपये संरक्षणावर खर्च करणार असल्याचा निर्णय घेण्यात आला आहे. जे भारताच्या संरक्षण बजेटपेक्षा 3 पट जास्त आहे. त्याचबरोबर 2023 साठी चीनच्या आर्थिक विकासाचे लक्ष्य 5 टक्के ठेवण्यात आले आहे.