Taliban-Pakistan: पाकिस्तान आणि तालिबान यांच्यातील चकमकींमध्ये सातत्याने वाढ होत आहे. अफगानिस्तानमध्ये जेव्हा तालिबान राजवट आली तेव्हा पाकिस्तानने तालिबानचे स्वागत केले होते. तालिबानमार्फत पाकिस्तान अफगानिस्तानवर नियंत्रण ठेवले जाऊ शकेल असा त्यापाठीमागचा हेतू होता.

आता मात्र पाकिस्तान आणि तालिबानमध्ये समस्या निर्माण होताना दिसत आहे. चमन बॉर्डरवरील वाद आता टोकाला गेला आहे.त्याचबरोबर,तालिबानने अफगानिस्तान ( Afganistan )आणि पाकिस्तानमध्ये असलेली सीमारेषा मानण्यासदेखील नकार दिला आहे. कधीकाळी आयएसआयचे तालिबानवर नियंत्रण होते आता मात्र तालिबानने वैर निर्माण केले आहे. याचे कारण म्हणजे तालिबानला पाकिस्तान आपल्याला आव्हान देईल असे वाटते . अमेरिके ( USA )च्या हल्ल्यात अलकायद्याच्या अल जवाहिरीचे पाकिस्तानच्या भूमीवर मारले जाणे हे तालिबान आणि पाकिस्तानमध्ये दुरावा आणण्यास कारणीभूत ठरले आहे.त्याचबरोबर,तालिबान आणि भारत यांच्यातील संबंध सुधारत आहेत.पाकिस्तानचे भारतविरोधी धोरण आहे,त्यामुळेदेखील या दोघांमध्ये दुरावा निर्माण होत आहे.

तालिबानने अनेकदा हे स्पष्ट केले आहे की,आपल्या देशाच्या प्रगतीसाठी कोणत्याही देशाबरोबर संबंध ठेवण्यास तयार आहे.त्याचबरोबर हेसुद्धा स्पष्टकेले आहे की, आपल्या देशाच्या भूमीचा कोणच्याही देशाला कोणत्याही देशाविरुद्ध काम करु देणार नाही.याच पार्श्वभूमीवर ,तालिबान (Taliban) ने भारताला सलमा डॅमसोबतच इतर वीस प्रकल्प पूर्ण करण्यास मंजूरी दिली आहे.आता पाकिस्तान यावर आपली काय भूमिका घेणार हे पाहणे महत्वाचे ठरणार आहे