Who Is Argentina New President Javier Milei: अर्जेंटिनाच्या अध्यक्षीय निवडणुकीत उजव्या विचारसरणीचे नेते जेवियर मिलई यांना 55.8 टक्के मते मिळाली. यासह ते अर्जेंटिनाचे पुढील राष्ट्राध्यक्ष बनणार आहेत. त्यांचे प्रतिस्पर्धी सर्जियो मासा यांना 44.2 मते मिळाली आहेत.

जेवियर हे अर्जेंटिना पक्ष ला लिबर्टॅड अवान्झा या पक्षाचे नेते आहेत. आर्थिक संकटाने ग्रासलेल्या अर्जेंटिनामध्ये मोठ्या प्रमाणावर बदल घडवून आणतील, असे आश्वासन त्यांनी निवडणुकीदरम्यान मतदारांना दिले आहे. यासोबतच मिलई यांनी राजकीय सुधारणा करण्याचेही आश्वासन दिले होते.

डोनाल्ड ट्रम्प यांचे कट्टर समर्थक

दरम्यान, सर्जियो मासा पेरोनिस्ट चळवळीच्या वतीने निवडणूक लढवत होते. गेल्या 16 वर्षांपासून त्यांचा पक्ष देशावर राज्य करत होता. निवडणुकीचे निकाल जाहीर झाल्यानंतर मासा यांनी आपल्या निवेदनात म्हटले की, अर्जेंटिनाच्या (Argentina) लोकांनी दुसरा मार्ग निवडला आहे.

लवकरच सक्रिय राजकारणातून निवृत्ती घेणार असल्याचे मसा यांनी सांगितले. सर्जियो हे उजव्या विचारसरणीचे नेते असून ते अमेरिकेचे माजी राष्ट्राध्यक्ष डोनाल्ड ट्रम्प यांचे कट्टर समर्थक मानले जातात. विजयानंतर मिलई म्हणाले की, आजपासून अर्जेंटिनाच्या पुनर्बांधणीला सुरुवात होणार आहे. अर्जेंटिनासाठी आजचा दिवस ऐतिहासिक आहे.

डिसेंबरमध्ये शपथ घेणार

नवीन राष्ट्रपती जेवियर मिलई यांचा जन्म 1970 मध्ये ब्यूनस आयर्समध्ये झाला होता. त्यांनी बेल्ग्रानो विद्यापीठातून अर्थशास्त्रात पदवी प्राप्त केली, त्यानंतर अर्थशास्त्रात पदव्युत्तर पदवी प्राप्त केली. राजकारणात येण्यापूर्वी त्यांनी अनेक विद्यापीठांमध्ये अध्यापन केले होते.

मिलई यांनी राजकारणावर अनेक पुस्तकेही लिहिली आहेत. निवडणूक (Election) प्रचारादरम्यान मिलई यांनी केंद्रीय बँक रद्द करण्याचे आणि आर्थिक संरचनेत बदल करण्याचे आश्वासन दिले होते.

याशिवाय, मिलई यांनी देशातून गरिबी हटवण्याचे आणि देशाची प्रतिष्ठा बहाल करण्याचे आश्वासनही दिले होते. 10 डिसेंबर 2023 रोजी मिलई अर्जेंटिनाचे नवे अध्यक्ष म्हणून शपथ घेतील.

गर्भपात चुकीचा समजा

मिलई गर्भपाताचे तीव्र विरोधक आहे. बलात्काराच्या घटनांमध्येही ते गर्भपात चुकीचे मानतात. त्यांच्या निवडणूक प्रचारात त्यांनी गर्भपात कायदेशीर करणार्‍या 2020 च्या कायद्यावर सार्वमत घेण्याबाबत बोलले होते. याशिवाय, मिलई लैंगिक शिक्षणावर कठोर टीका करत आहेत. त्यांनी ब्रेनवॉशिंगचे एक साधन असे वर्णन केले आहे आणि म्हटले आहे की, लैंगिक शिक्षण मानवी अवयवांच्या तस्करीला प्रोत्साहन देते.