Israel-Hamas War: इस्रायल आणि हमास यांच्यातील युद्ध दिवसेंदिवस अधिक तीव्र होत चालले आहे. यातच आता, इस्रायली लष्कराने गाझाचे मुख्य रुग्णालय अल शिफा खाली करण्याचे आदेश दिल्यानंतर तिथे चेंगराचेंगरी झाली. 2,000 हून अधिक रुग्ण रुग्णालयात अडकले होते.
तथापि, एएफपी न्यूज एजन्सीनुसार, गाझाच्या आरोग्य अधिकार्‍यांनी सांगितले की 450 रुग्ण रुग्णालयात राहिले आहेत. हमास येथून आपल्या दहशतवादी कारवाया करत असल्याचा दावा करुन इस्रायल रुग्णालयाच्या आत लष्करी कारवाया करत असल्याचे त्यांचे म्हणणे आहे. मात्र, हमासने हा आरोप फेटाळून लावला आहे.
एएफपीच्या वृत्तानुसार, इस्रायल सैन्याने लाऊडस्पीकरवरुन पुढील एका तासात अल-शिफा रुग्णालय खाली करण्याचे आदेश दिले आहेत.
रुग्णालयाचे (Hospital) संचालक मोहम्मद अबू सलमिया यांनी रुग्ण, जखमी, विस्थापित लोक आणि वैद्यकीय कर्मचारी यांना बाहेर काढण्यात आल्याची खात्री करावी आणि त्यांनी पायीच समुद्रकिनाऱ्याकडे जावे, असे ते म्हणाले. संयुक्त राष्ट्रांचा अंदाज आहे की, अल-शिफामध्ये 2,300 रुग्ण, कर्मचारी आणि विस्थापित पॅलेस्टिनी राहत होते.
एका निवेदनात, इस्रायलने (Israel) पॅलेस्टिनींना त्यांच्या स्वत: च्या सुरक्षिततेसाठी गाझाच्या उत्तरेकडे जाण्यास सांगितले. कारण या प्रदेशाच्या मध्य आणि दक्षिण भागात प्राणघातक हवाई हल्ले सुरुच आहेत.
इस्रायलने सांगितले की, आतापर्यंत सुमारे 1,200 लोक मारले गेले, त्यापैकी बहुतेक नागरिक होते आणि सुमारे 240 लोकांना ओलीस ठेवण्यात आले. गाझामध्ये आतापर्यंत 5,000 मुलांसह सुमारे 12,000 लोक मारले गेले आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.