अल्पवयीन मुलांना ऑनलाईन पॉर्नचा पाहता येऊ नये यासाठी स्पेन सरकार मोबाईल अ‍ॅप्लिकेशन लॉन्च करणार आहे. अल्पवयीन मुलांमध्ये पॉर्न पाहण्याची सवय वाढल्याचे डेल उना उल्टा या पॉर्न विरोधी ग्रुपच्या अभ्यासातून समोर आले आहे. सरकारने पॉर्न पासपोर्ट हे अ‍ॅप्लिकेशन डिझाईन केले आहे.

पॉर्न पासपोर्ट अ‍ॅप्लिकेशन काय आहे?

स्पेन सरकारच्या नव्या धोरणानुसार मोठ्या प्रमाणावर पॉर्न पाहणाऱ्या ऑनलाईन युझर्सना या अ‍ॅप्लिकेशनच्या माध्यमातून अलर्ट येतील. या अलर्टच्या माध्यमातून त्यांना पासपोर्ट रिन्यू करावा लागेल. हे अ‍ॅप्लिकेशन डिजिटल वॉलेटचाच एक भाग आहे.

अ‍ॅप्लिकेशनच्या माध्यमातून युझरची प्रायव्हसी आणि अल्पवयीन मुलांची आक्षेपार्ह कंटेटच्या अ‍ॅक्सेसवर निर्बंध घालता येणार आहे.

अ‍ॅप्लिकेशन कसे काम करेल?

मोबाईल वॉलेट पद्धतीनेच हे अ‍ॅप्लिकेशन काम करेल. यामाध्यमातून युझरचे सरकारी ओळख पत्राच्या माध्यमातून वय तपासले जाईल. युझरला अडल्ट कंटेट अ‍ॅक्सेस करण्यासाठी महिन्याला तीस क्रेडीट दिले जातील. प्रत्येक क्रेडिटसाठी एक क्यूआर कोड जनरेट होईल, ज्याचा दहावेळा वापर करता येईल.

टोकन वापरमागील उद्देश

टोकन वापरमागील मुख्य उद्देश युझरला सतत ओळख पटवण्याची गरज भासू नये असा आहे. यामध्यमातून अतिपॉर्न पाहणाऱ्या लोकांना पुन्हा तपासणी करण्याची गरज भासू शकते आणि त्यामुळे सरकार देखील त्यांच्यावर लक्ष ठेवू शकेल. याशिवाय या डेटाच्या मदतीने संबधितांना अलर्ट पाठवले जातात. महत्वाची बाब म्हणजे हे टोकन सरकरी डिजिटल विभागाच्या सचिवांमार्फत दिले जाणार आहेत.

नवे धोरण कसे फायदेशीर ठरणार?

स्पेन सरकारच्या नव्या धोरणानुसार राष्ट्रीय सायबर सुरक्षा संस्थेच्या माध्यमातून देशी आणि परदेशी पॉर्न संकेतस्थळांची य़ादी तयार करता येईल आणि युझरला ब्राऊसरवरती वयाचा पुरावा द्यावा लागेल. सरकारसाठी यासाठी सोशल मिडिया प्लॅटफॉर्मची देखील मदत घेणार आहे.