इंडोनेशियात रविवारी पहाटे सेमेरू हा महाकाय ज्वालामुखीचा स्फोट ((Volcano Erupts In Indonesia) झाला. हा उद्रेक एवढा मोठा आहे की ज्वालामुखीच्या राखेचा लोळ हवेत 1.5 किमीपर्यंत वरती गेला आहे. इंडोनेशियातील अधिकाऱ्यांनी स्थानिक रहिवाशांना उद्रेक क्षेत्रापासून दूर राहण्याचा सूचना केली आहे. जावा बेटावर हा ज्वालामुखीचा उद्रेक झाला आहे.

BNPB ने प्रसिद्ध केलेल्या निवेदनानुसार, पहाटे 2:46 वाजता (1946 GMT) ज्वालामुखीचा उद्रेक झाला. याबाबत एक व्हिडिओ समोर आला असून, यात ज्वालामुखीचा उद्रेक झालेल्या भागात राखेचे ढग दिसत आहेत.

इंडोनेशियाच्या आपत्ती निवारण एजन्सी, BNPB ने रहिवाशांना उद्रेक केंद्राच्या 5 किमीच्या आत कोणतीही जाऊ नये. तसेच, लावा प्रवाहाचा धोका असल्यामुळे नदीकाठापासून 500 मीटर अंतरावर राहण्याचा इशारा दिला आहे.

दरम्यान, या स्फोटानंतर जपानच्या हवामानशास्त्र एजन्सी सतर्क झाल्या असून, स्फोटानंतर त्सुनामी येण्याच्या शक्यतेवर लक्ष ठेवले जात आहे. (Japan Monitors Possibility Of Tsunami)