Bomb Cyclone: आर्टिकवरुन येणाऱ्या थंड हवेमुळे अमेरिकेतील जीवन अस्ताव्यस्त झाले आहे. तज्ञांच्यामते, अमेरिकेत बॉम्ब तूफान निर्माण होत असून ते विनाशकारी आहे. या वादळामुळे ख्रिसमसच्या सु्ट्टीत लोकांचे फिरायला जाण्याचे प्लॅन त्यांना रद्द करावे लागणार आहेत.

अमेरिकेत काही ठिकाणी ४० डिग्री सेल्सिअस पेक्षा तापमान कमी झाले आहे. ख्रिसमसपर्यत हे तापमान अजून कमी होण्याची शक्यता आहे. खराब हवामानामुळे काही ठिकाणी विमाने रद्द करण्यात आली आहेत तसेच रस्तेही बंद करण्यात आले आहेत. या तूफानाचा प्रभाव कॅनाडा (Canada )च्या सीमेपासून मेक्सिकोच्या सीमेपर्यत दिसून येत आहे. तज्ञांच्या मते, हे विनाशकारी वादळ असून जीवीतहानी होण्याची शक्यताही आहे.

दरम्यान, अमेरिके( USA ) चे राष्ट्रपती जो बायडन यांनी रहिवास्यांना काळजी घेण्याचे आवाहन केले आहे. वादळामुळे विमानसेवा तात्पुरत्या काळासाठी बंद करण्यात आल्या आहेत आणि होम शेल्टर पूर्ण भरले असल्याने अनेकांचा राहण्याचा प्रश्न निर्माण झाले आहेत. गेल्या अनेक दशकांपासून अमेरिकेत सुट्टीच्या काळात बर्फ पडण्याचे रेकॉर्ड निर्माण झाले आहे.