US Army Helicopters Crash: अलास्का येथे ट्रेनिंग आटोपून परतत असताना अमेरिकन लष्कराची दोन हेलिकॉप्टर कोसळली. या वर्षात अमेरिकेत लष्करी हेलिकॉप्टर कोसळण्याची ही दुसरी घटना आहे.

यूएस आर्मी अलास्काचे प्रवक्ते जॉन पेनेल यांनी दिलेल्या माहितीनुसार, प्रत्येक हेलिकॉप्टरमध्ये (Helicopter) दोन लोक होते. असोसिएटेड प्रेस वृत्तसंस्थेने दिलेल्या वृत्तानुसार, पेनेलने सांगितले की, या घटनेबाबत ते शेअर करु शकतील अशी कोणतीही माहिती त्यांच्याकडे अद्याप उपलब्ध नाही.

अमेरिकन लष्कराच्या अधिका-यांच्या म्हणण्यानुसार, ते या प्रकरणाचा तपास करत आहेत. जसजशी माहिती उपलब्ध होईल तसतशी ती सर्वांसमोर ठेवली जाईल. दुसरीकडे, अलास्का (Alaska) स्टेट ट्रूपर्सचे प्रवक्ते ऑस्टिन मॅकडॅनियल यांनीही या घटनेबाबत अधिक माहिती देण्यास नकार दिला आहे.

फेब्रुवारीमध्ये हेलिकॉप्टरलाही अपघात झाला होता.

अलास्का स्टेट ट्रूपर्सचे प्रवक्ते ऑस्टिन मॅकडॅनियल यांच्या मते, या वर्षी फेब्रुवारीमध्ये एक अपाचे हेलिकॉप्टर अपघाताचा बळी ठरले होते, ज्यात दोन सैनिक जखमी झाले होते.