U.S. aircraft crashed on a north Australian island Sunday during a multination military exercise:

ऑस्ट्रेलियाच्या नॉर्दर्न टेरिटरीमध्ये युद्धसराव करताना रविवारी मध्यरात्री अमेरिकेच्या लष्करी जवानांचा समावेश असलेली विमानाला अपघात झाला, अशी माहिती समोर आली आहे.

या अपघातामध्ये यूएस मरीनचे 23 जवान जखमी झाले आहेत. सुदैवाने यामध्ये आतापर्यंत मृत्यूचे कोणतेही वृत्त नाही.

स्काय न्यूज ऑस्ट्रेलियाने वृत्त दिले आहे की सुमारे 23 यूएस मरीन असलेले व्ही-22 ऑस्प्रे हेलिकॉप्टर डार्विनच्या किनाऱ्यावर कोसळले आहे.

ऑस्ट्रेलियन ब्रॉडकास्टिंग कॉर्पोरेशन (एबीसी) ने सांगितले की, डार्विनच्या उत्तरेकडील तिवी बेटांवर विमान अपघातातून सर्व 23 लष्करी कर्मचार्‍यांची सुटका करण्यात आली आहे आणि यामध्ये कोणतीही जीवितहानी झालेली नाही.

अधिकाऱ्यांनी अपघाताच्या ठिकाणाहून अनेक जवानांची सुटका केली आहे. संरक्षण विभागाच्या प्रवक्त्याने सांगितले की, “आतापर्यंत मिळालेल्या माहितीनुसार या घटनेत युनायटेड स्टेट्स मरीनचे जवान आहेत. यामध्ये ऑस्ट्रेलियन संरक्षण दलाचे सदस्य सामील नव्हते.”

या अपघातातील जखमींपैकी एकाची प्रकृती गंभीर असून इतरांची प्रकृती स्थिर आहे, असे बचाव पथक केअरफ्लाइटने सांगितले.

प्रिडेटर्स रनचा सराव सुरू असताना हा अपघात झाला

ऑस्ट्रेलियाच्या नेतृत्त्वाखाली सुरू असलेल्या प्रिडेटर्स रन या युद्ध सरावा दरम्यान हा अपघात झाला. या युद्ध सरावात सहभागी झालेल्या 2,500 सैनिकांपैकी 500 अमेरिकन मरीन आहेत. ऑस्ट्रेलियन जवानांप्रमाणे फिलीपिन्स, इंडोनेशिया आणि पूर्व तिमोरचे सैनिकही यात सामील आहेत. अपघातानंतर प्रीडेटर्स रनचा सराव थांबवण्यात आला आहे.